தமிழ் சினிமாவின் முன்னணி நட்சத்திர நடிகரான சிலம்பரசன் TR இன்று பிறந்தநாளை கொண்டாடுகிறார். அவரின் பிறந்த நாள் விருந்தாக அவரது சொந்த தயாரிப்பு நிறுவனமான Atman Cine Arts நிறுவனத்தின் சார்பில் பிரம்மாண்டமாக உருவாகும் #STR50 படத்தின் அதிகாரப்பூர்வ அறிவிப்பு இன்று வெளியிடப்பட்டது.
சிறுவயதிலேயே திரையுலகில் அறிமுகமாகி 40 வருடங்களைக் கடந்திருக்கும் சிலம்பரசன் TR, பல மாறுபட்ட களங்களில் ப்ளாக்பஸ்டர் படங்களை வழங்கி தனக்கென தனி ரசிகர் பட்டாளத்தை சேர்த்து வைத்துள்ளார். அவரது பிறந்த நாளில் ரசிகர்களை மகிழ்விக்கும் விதமாக Atman Cine Arts தயாரிப்பு நிறுவனத்தைத் துவங்கியுள்ளார். இந்நிறுவனத்தின் சார்பில் #STR50 திரைப்படம் பிரம்மாண்டமாக உருவாகிறது.
இப்படத்தை கண்ணும் “கண்ணும் கொள்ளையடித்தால்” புகழ் இயக்குநர் தேசிங்கு பெரியசாமி இயக்குகிறார். யுவன் சங்கர் ராஜா இசையமைக்கிறார். மனோஜ் பரஹம்சா ஒளிப்பதிவு செய்கிறார்.
இப்படத்தின் அறிவிப்பு போஸ்டரில் தீப்பந்தத்துடன் இருக்கும் சிலம்பரசன் TR தோற்றம் தற்போது வைரலாக பரவி பெரும் வரவேற்பைப் பெற்று வருகிறது.
முற்றிலும் மாறுபட்ட வரலாற்று கதைக்களத்தில், இதுவரை சிலம்பரசன் TR தோன்றியிராத அவதாரத்தில் மிரட்டலான திரைப்படமாக இப்படம் உருவாகவுள்ளது.
இத்துடன் இன்றைய பிறந்தநாள் விருந்தாக, Dawn Pictures தயாரிப்பில், பார்க்கிங் பட இயக்குநர் ராம்குமார் பாலகிருஷ்ணன் இயக்கத்தில் உருவாகும் #STR49 படத்தின் அதிரடி போஸ்டர் வெளியாகியுள்ளது. மேலும் AGS Entertainment தயாரிப்பில், அஸ்வத் மாரிமுத்து இயக்கத்தில், #STR51 படத்தின் அசத்தலான ஃபரஸ்ட் லுக் “God of love“ டைட்டிலுடன் போஸ்டர் வெளியிடப்பட்டுள்ளது.
ஒரே நாளில் வெளியான சிலம்பரசன் TR இன் அடுத்தடுத்த பட அப்டேட்டுகள் ரசிகர்களை பெரும் உற்சாகத்தில் ஆழ்த்தியுள்ளது.
