கல்லூரி காதல் கதையாக உருவாகிறது “இணைய தலைமுறை“

மாறன் கிரியேசன்ஸ் என்ற புதிய பட நிறுவனம் சார்பாக பெ.இளந்திருமாறன் தயாரிக்கும் படத்திற்கு “ இணைய தலைமுறை “ என்று பெயரிட்டுள்ளார்.

நாயகனாக அஸ்வின் குமார் நடிக்கிறார். இவர் டூரிங்டாக்கீஸ், மாதவனும் மலர்கொடியும் “ போன்ற படங்களில் நடித்தவர். நாயகியாக மனிஷாஜித் நடிக்கிறார். இவர் கம்பீரம் படத்தில் சரத்குமார் மகளாக நடித்தவர். அத்துடன் நண்பர்கள் கவனத்திற்கு, விந்தை போன்ற படங்களில் நாயகியாக நடித்தவர். மற்றும் ரவி, சத்யன், சிவகுமார், சர்மிளா, சஞ்சய், சரத், வனகைதி, தென்னவன் ராஜேந்திரநாத் ஆகியோர் நடிக்கிறார்கள்.

திரைக்கதை, வசனம் எழுதி இயக்குகிறார் – சு.சி.ஈஸ்வர். இவர் பிரபல இயக்குனர்களிடம் உதவியாளராக பணியாற்றியவர்.
படம் பற்றி இயக்குனரிடம் கேட்டோம்..

கல்லூரி வாழ்க்கை என்பது சுவாரஸ்மானது. அது மட்டுமல்ல உல்லாச பறவைகளாக பாடித் திரிந்துக் கொண்டிருப்பார்கள். அவர்கள் வாழ்கையில் பேஸ்புக், டிவிட்டர் போன்றவை என்ன மாதிரியான தாக்கத்தை ஏற்படுத்துகிறது என்பதும், அதில் காதல், மோதல், சென்டிமென்ட், காமெடி கலந்து உருவாக்கி உள்ளோம்.

படப்பிடிப்பு ராஜபாளையம், ஸ்ரீ வில்லிப் புத்தூர் போன்ற இடங்களில் நடைபெற்றுள்ளது. விரைவில் படம் திரைக்கு வருகிறது என்றார் இயக்குனர்.

Related posts